Like ved Nordheimsund i Hardangerfjorden, ligg Framnes Kristne Vidaregåande skule. Skulen har flotte fasilitetar for å lage leir, med god internatkapasitet, campingareal, grøntareal med sandvolleyballbaner/gigantiske sandkasser, ein flott idrettshall og ikkje minst sjøen og fjella som næraste nabo.

OPPSTARTSTID

Torsdag 29. juni med innsjekk frå klokka 16.00. Born og vaksne tek imot deg og familien din på tunet og viser veg til kvar de skal bu!

UTSJEKK/AVREISE

Utsjekk på formiddag sundag 2. juli. Avreise etter middag, ca 14.00.

HELGEPASS

Framnes let oss og opne for helgepåmelding for KRIK familiesommar 2023! Om det kanskje er vanskeleg å kome torsdag, er du og familien din hjarteleg velkomne til å  melde dykk på frå fredag og så sende ein e-post til krikfamiliesommarframnes@gmail.com der de skriv at de kjem fredag og ikkje torsdag slik at dykk får rabatt. Utan å gjere det går me ut i frå at de kjem på heile leiren.

MÅL:

• Skape ein hyggeleg leir for heile familien, med idrettsglede, trusglede og livsglede.
• Oppleve KRIK-kultur med aktivitet, leik og fellesskap
• Eigne samlingar for born, unge og vaksne med relevant undervisning/forkynning i god KRIK-tradisjon.
• At born og unge trivast, får trusopplæring, kristne vennar og gode leiropplevingar.
• Bygge KRIK sitt arbeid nasjonalt og internasjonalt gjennom fokus på lokallag, leir og medlemskap.
• Vere ein naturleg og integrert del av KRIK-arbeidet.
• Deltaking skapar tilhøyrsle – får folk til å kjenne at dei er verdifulle i samanhengen.

SAMAN LAGAR ME LEIR

Denne leiren lagar me saman! Me kjem til å trenge litt hjelp til ulikt opplegg under leiren og kjem derfor til å spørje om noko hjelp før leiren. Me gler oss til å sjå dokke!

Følg gjerne sida KRIK Familiesommar Framnes (https://www.facebook.com/krikfamiliesommarframnes) på Facebook for oppdateringar!