Familiesommar Framnes

Like ved Nordheimsund i Hardangerfjorden, ligg Framnes Kristne Vidaregåande skule. Skulen har flotte fasilitetar for å lage leir, med god internatkapasitet, campingareal, grøntareal med sandvolleyballbaner/gigantiske sandkasser, ein flott idrettshall og ikkje minst sjøen og fjella som næraste nabo.

OPPSTARTSTID

Torsdag 25. juni med innsjekk frå klokka 16.00. Born og vaksne tek imot deg og familien din på tunet og viser veg til kvar de skal bu!

UTSJEKK/AVREISE

Utsjekk på formiddag sundag 28. juni. Avreise etter middag, ca 14.00.

HELGEPASS

Framnes let oss og opne for helgepåmelding for KRIK familiesommar! Om det kanskje er vanskeleg å kome torsdag, er du og familien din hjarteleg velkomne til å  melde dykk på frå fredag og så sende ein e-post til krikfamiliesommarframnes@gmail.com der de skriv at de kjem fredag og ikkje torsdag slik at dykk får rabatt. Utan å gjere det ved påmelding går me ut i frå at de kjem på heile leiren.

Leiren er hovudsakleg for familier med born i alderen 0-15 år. Pr. idag har det brukt å vere ein god gjeng born på same alder frå og med 2012-kullet. Me kan og reklamere for sjansen til å sende born som er gamle nok på KRIK ACTION i Bø som finn stad ca samtidig kvart år, sjå krik.no/action

MÅL:

• Skape ein hyggeleg leir for heile familien, med idrettsglede, trusglede og livsglede.
• Oppleve KRIK-kultur med aktivitet, leik og fellesskap
• Eigne samlingar for born, unge og vaksne med relevant undervisning/forkynning i god KRIK-tradisjon.
• At born og unge trivast, får trusopplæring, kristne vennar og gode leiropplevingar.
• Bygge KRIK sitt arbeid nasjonalt og internasjonalt gjennom fokus på lokallag, leir og medlemskap.
• Vere ein naturleg og integrert del av KRIK-arbeidet.
• Deltaking skapar tilhøyrsle – får folk til å kjenne at dei er verdifulle i samanhengen.

HJELPE TIL?

For at leiren skal fungere best mogleg, er det fint om de bidreg litt, til dømes i barneaktivitetar eller vaksenstøtte sosialt. Alle vil derfor få tildelt ei lita oppgåve i løpet av leiren. Samtidig kan du vere trygg på at du og dine skal få god tid og spelerom som familie! Vi legg til rette slik at oppgåvene er enkle og overkomelege både å planlegge og gjennomføre. Hovudansvaret ligg på komitéen, så ikkje ver redd for å melde deg til noko og at du skal stå der åleine med eit stort ansvar.

PS: “Vaksenstøtte sosialt” står oppført som “samling med formidling” i påmeldinga for å vise deg som forelder at du berre melder deg til å vere ein vaksen til stades – ikkje for å ha formidlinga.

Amigoz mini (1-3 år)

• enkel aktivitet/frileik

Amigoz (3-5 år)

• Ball- og halleik

 Friendz (6-8 år)

• Ball- og halleik
• Fotball
• Vaksenstøtte sosialt (står som samling med formidling i påmelding. Du har enkel hjelperolle)

Kompiz (9-11 år)

• Ball- og halleik
• Fotball
• Mesternes mester og liknande
• Vaksenstøtte sosialt

Buddiez (12-15 år)

• Fotball
• Vaksenstøtte sosialt

Hagekro (Salg, grilling og litt førebuing)

Forbøn

Følg gjerne sida KRIK Familiesommar Framnes (https://www.facebook.com/krikfamiliesommarframnes) på Facebook for oppdateringar!